Jãzëk kaszëbsczi to wôżny dzél pòmòrsczi kùlturë, a jegò òchrana je zadaniã dlô całi kaszëbsczi wspólnotë. W tej robòce baro wôżną rolã grają samòrządë, chtërne wspiérają edukacëjã i dzejania na rzecz pòdtrzëmaniô regionalny tożsamoscë. Dziękù zaangażowaniù rodzëznów, szkólnyczków, samòrządowców i rozmajitëch òrganizacëji, nôstãpné jinotë mògą ùczëc sã kaszëbsczégò jãzëka. Òkazjã do przëpòmnieniô wôżnotë ti edukacëji je Dzeń Edukacëji Kaszëbsczi, chtëren òbchòdzimë 7 séwnika.
W związkù z cëlã wzmocniô roli kaszëbiznë, 12 rujana 2026 rokù w Warszawie, w Kancelarii Prezesa Rady Ministrów, òdbidze sã II Kongres Nauczycieli Języka Kaszubskiego razã z VI Galą wrãczeniô nagrôdë Bëlny Szkólny.
Organizatorama tegò wëdarzeniô są: Ministerstwo Edukacji Narodowej, Zrzeszenie Kaszubsko-Pomorskie, Samorząd Województwa Pomorskiego, Pomorski Urząd Wojewódzki, Kaszubski Zespół Parlamentarny oraz Kuratorium Oświaty w Gdańsku.
Òsobë chca sã przëdżińc na Kongres mùszą sã zaregistrowac drogą mailową do 2 rujana 2026 rokù na adres: Malgorzata.karpiel@gdansk.uw.gov.pl.
W sprawach òrganizacëjnëch mòżna sã kontaktowac z Karoliną Keler, chtërna je pełnomòcniczką Wojewòdë Pòmòrsczégò do spraw miészëznów narodowëch i etnicznëch. Z nią mòżna sã zdzwónic pò numerze telofonu 694 587 266 abò napisac na adres e-mail: karolina.keler@gdansk.uw.gov.pl.
Kaszëbsczi jãzëk, Kongres, Bëlny Szkólny, Warszawa, edukacëjô, szkólny, Pòmòrze
