Poczta Polska ògłosëła wprowadzenié do obiegu nowi emisji znaczków pocztowych, chtërna nosy miono „Boże Narodzenie”. Znaczczi te, chtëre bãdą dostãpné òd 28 rujana 2026 rokù, łóczą swiątecznégò dëcha z haftã kaszëbsczim, jaczé je wôżnym dzélã kùlturowégò dzedzëzna Pòmòrzégò.
Na swiątecznëch znaczkach ùkazano bëło bombczi, na chtërnëch zamkniãto wzorë z trzech wëjimkòwëch szkół kaszëbsczégò haftu. Każdi ze znaczków przedstôwió jinszą ôrtã ti lëdowi kùńsztowi twòrczoscë, a téż jich bògati ôrnamentë, kòlorë i symblikã. W całim kaszëbsczim hafcie môme òsem regionalnëch szkół, a nowô emisja skupiła sã na szkòłach wejherowsczi, żukòwsczi i pùcczi.
Projekt ten pòwstôł we współpracy ze Zrzeszeniém Kaszëbskò-Pòmòrsczim. Je to równak nie blós pòkôzanié piekna kaszëbsczi sztoczi, ale téż ùczczenié jubileuszu 70-lat Zrzeszeniô, chtëren przëpôdô na 2 gòdnika 2026 rokù. Organizacjô ta òd lat dba ò to, bë òcalëc kaszëbsczi haft òd zapomniéniô, m.jin. bez wëdôwanié spòcziwków ze wzórnikama.
Poczta Polska, Boże Narodzenie, haft kaszubski, Zrzeszenie Kaszubsko-Pomorskie, znaczki, kultura, Kaszuby
