Tag: Zbigniew Joskowski
Raz jeszcze o „Tedë jo”
Przódë, czej le bëła do te leżnota, tej jô òbzérôł program „Rodnô Zemia”. Z pierwsza w zdrzélnikù, pòtemù w wersjé jinternetowi w kùmpùtrze. Jesénią 2010 rokù nen baro wôżny dlô mie program zdżinął z antenë. Czemù tak sã stało – dëcht do kùńca nie wiém. Wiém leno, że na kaszëbsczich pòrtalach béł zapalczëwie szkalowóny przez anonimòwëch colemało młodzónków. Jednémù nawetka – chtëren pòdpisywôł sã z miona i nôzwëska – jô czedës òdpisôł, że móm ò niegò strach, czë mù sã czasã co nie stónie z pòwòdu złoscë i złoslëwòscë, jaką wëléwô w swòjëch pòstach. Je wiedzec, że niejedne sprawë mòżna złożëc na chrzebt młodoscë. Równak je téż wiedzec, że programù dzys ni ma i kùńc. A szkòda! Wiôlgô szkòda!
